İstehsalçılar
Ev teatrları LG
LG
Electronics şirkəti titan və Artcool seriyalı premium sinfinə aid, mənzildə
havanı təmizləyən qabaqcıl texnologiyalı məişət kondisionerlərinin yeni modellərinin
təchizatına başladığını elan edir. Bu kondisionerlər optimallaşdırılmış soyutma
və isitmə rejimləri ilə fərqlənirlər, Artcool seriyası ilə zərif dizaynı sayəsində
istənilən interyerin çox gözəl bəzəyinə çevriləcək.
LG-nin yeni Titan və Artcool seriyalı kondisionerlərində həyata keçirilmiş təkmilləşdirilmiş dörd-addımlı sağlamlığı qoruma sistemi hətta son dərəcə əlverişsiz hava şəraitlərində evinizdə sağlam və təhlükəsiz atmosferi təmin edir. Allergiya əleyhinə filtr, dezodorasiya, antibakterial mühafizə və qalıq rütubətin avtomatik təmizlənməsi kimi dörd əsas komponent birlikdə hava təmizləmənin yüksək texnologiyalı kompleks sistemini təmin edirlər.
Unikal Plasma filtri, elektrik və maqnit sahələrindən
birgə istifadə sayəsində, havanı əvvəlki modifikasiyalara nisbətən 30% daha
effektiv təmizləyir. Havanı təmizləmə sistemi Plasma , ən kiçik çirkləndirici
hissəcikləri və tozu təmizləməklə bərabər, məişət gənələrinin, bitki tozlarını
və heyvanların tüklərini təmizləyir, bununla da allergik xəstəliklərin və astma
tutmalarının qarşısını alır.
Antiallergen və antivirus fitri allergenləri
hopduran enzimlərdən, o cümlədən filtrin əsasını ona çəkilmiş enzimlərlə
bağlayan üzvi və qeyri-üzvi həlqələrdən ibarətdir.
Üçlü
dezodorasiya filtri təhlükəli üzvi birləşmələri, misal üçün, formaldehidi məhv
edən üç xüsusi filtrdən ibarətdir. Filtr həmçinin rahat atmosfer yaratmaqla
xoşagəlməz qoxuları kənarlaşdırır.
Avtomatik təmizləmə funksiyası istilik
mübadiləsi qurğusundan rütubəti kənarlaşdırmağa imkan yaradır, bu isə kifin
yaranmasının və bakteriyaların çoxalmasının qarşısını alır. Bununla xoşagəlməz
qoxu kənarlaşdırır, istehlakçı isə istilik mübadiləsi cihazının mexaniki təmizlənməsini
həyata keçirməyə məcbur qalmır.
Yüksək
effektivliyə malik yeni sistem sayəsində, LG-nin Titan və Artcool seriyasının
kondisionerləri dünyada ən sakit kondisionerlərdən biridir, gündüz otağın təbii
havalandırılmasını və gecələr rahat səssiz iş rejimini təmin edir. Bu cür aşağı
səs səviyyəsi (cəmi 19 dB) ventilyatorun
fırlanması zamanı təzyiqin qalxıb enməsini minimuma endirən patentli LG Skew
Fan texnologiyası sayəsində əldə edilir. Artcool seriyasının kondisionerlərinin
ağıllı ağ fon işığı olan zərif displey, xətlərin axarlılığı və xromlanmış işləməsi
evin bəzənməsi üçün müasir həlli təşkil edir.
Bu
zaman “xarici panelin bərkidilmiş şüşəsi parlaqlığını və işıltısını uzun müddət
ərzində donuqlaşmadan və rəngini itirmədən qoruyub saxlayır.
Kondisionerlərin
yeni seriyalarının daha bir fərqləndirici xüsusiyyəti quraşdırmanın
texnolojiliyi və sadəliyidir. Çıxarılıb-taxılan aşağı paneli və xüsusi dayağın
patentləşdirilmiş konstruksiyası sayəsində, kondisionerin quraşdırılması bir nəfər
tərəfindən həyata keçirilə bilər, montaj plastinasının səthində bilavasitə təsvir
edilmiş montaj prosesinin texnoloji xəritəsi isə təlimatın öyrənilməsinə sərf
edilən vaxta qənaət etmək imkanını yaradır.
